Årbok for Time historielag 2015 er den 3. i rekkja. Boka er på 170 sider, rikt illustrert og inneheld 28 små og store artiklar av 26 ulike forfattarar.

Fleire av artiklane tek for seg Time i krigsåra, mellom anna ein med Åslaug Rommetveit sine krigsminne, og ein om lektoren og offiseren Tønnes Skjæveland som døydde i tysk fangenskap.

Ein artikkel er vigd til Halldis Hognestad, skaparen av jærdrakta, og ein annan fortel om teologen Peter Hognestad, som vart biskop i Bjørgvin og har omsett fleire kjende salmar til nynorsk. Mauritz Kartevold – «det merkelegaste menneske som er født på Jæren» – er også portrettert i denne årboka.

Redaktør: Åsmund Norheim