Vedtekter for Time historielag

§ 1.

Laget har til føremål å fremja interessa for ættesoge og lokalhistorie i Time kommune, og registrera, samla inn og ta vare på stoff som kan fortelja om timebuane sine levekår gjennom tidene.

Styret syter for at det vert halde minst 4 medlemsmøte i året.

Laget er eit lokallag tilslutta Rogaland Historielag, med dei rettar og plikter dette inneber. Medlemene vert gjennom Time historielag tilknytta Rogaland Historielag, og får m.a. tilsendt medlemsbladet «Sydvesten» frå fylkeslaget.

§ 2.

Medlemer av laget er:

a) Årsmedlemer som har betalt kontingenten i inneverande år
b) Æresmedlemer etter §7.

Kontingenten vert fastsett av årsmøtet.

§ 3.

Laget skal leiast av eit styre på 5 medlemer med 3 varamedlemer.

Årsmøtet vel:

a) Leiar og 4 styremedlemer for 2 år
Valet vert ordna slik at 3 eller 2 er på val kvart år. Styret vel innbyrdes nestleiar, skrivar og kasserar.

b) 3 varamedlemer for 1 år
c) 2 revisorar for 1 år
d) Valnemnd på 3 medlemer, kvar av dei er valde for 3 år, og 1 er på val kvart år.

Styret vert kalla inn av leiaren. Skriftleg innkalling med sakliste bør sendast styremedlemene og varamedlemene minst 4 dagar før møtet.

Styret er vedtaksført når minst 3 styremedlemer er til stades.

Styret kan setja saman nemnder til å ta seg av arbeidsoppgåver som laget tek på seg. Alle nemndene sender skriftleg melding om arbeidet til styret.

Ei særskild boknemnd på 6 medlemer inkludert årbokredaktøren har ansvar for historielaget si årbok. Årbokredaktøren er leiar i boknemnda. Eitt av medlemene i boknemnda sit som representant frå styret.

§ 4.

Rekneskapen skal førast for kvart kalenderår og leggjast fram for årsmøtet til godkjenning i revidert stand.

§ 5.

Årsmøtet skal haldast kvart år innan utgangen av februar månad.

Innkalling med sakliste og årsmelding skal sendast ut med 14 dagars varsel.

Årsmøtet har føre:

a) Årsmelding
b) Revidert rekneskap
c) Val
d) Fastsetjing av kontingent
e) Innkomne forslag, må vera styret i hende seinast 3 veker før årsmøtet.

Røysterett har alle som møter personleg og har betalt kontingent for siste året.

§ 6.

Ekstraordinært årsmøte kan kallast inn etter samrøystes vedtak i styret.

For innkalling, varsel og liknande gjeld dei same reglane som for årsmøtet.

§ 7.

Årsmøtet utnemner æresmedlemer etter framlegg frå styret.

Æresmedlemer får livstidsmedlemskap og betaler ikkje årskontingent.

Æresmedlemer betaler ikkje inngangspengar på laget sine arrangement.

§ 8.

Endringar i vedtektene kan gjerast på årsmøtet med 2/3 fleirtal. Forslag til endringar i vedtektene må vera styret i hende innan utgangen av desember månad.

§ 9.

Vedtak om oppløysing av laget kan gjerast med 2/3 fleirtal på årsmøtet. Laget sitt arkiv, aktiva og midlar skal då gå over til lokalsamlinga i Time Bibliotek eller til Rogaland Historielag.

Vedtekter godkjente på årsmøtet i Time historielag 11. februar 2026